Maama Nnaabagereka Sylvia Nnagginda aweereddwa engule emusiima olwa kaweefube gwakoze okugunjula n’okutumbula Obuntubulamu mu bantu ba Buganda n’ensi yonna . Engule eno emanyiddwa nga LifeTime Award, emuweereddwa ab’ekitongole ky’obwannakyewa ekya EA Philanthropy Network. Omukolo gubadde ku Protea Hotel mu Kampala, ng’ekwasiddwa Minisita w’amawulire era omwogezi w’Obwakabaka Owek. Noah Kiyimba kulwa Nnaabagereka. Owek. Kiyimba asiimye abawadde Nnaabagereka engule eno kubanga balabye omulimu gwakola nga gwetaaga okusiima mu ngeri ey’enjawulo.
Nnaabagereka bamuwadde engule
