Omumyuka owookubiri owa Katikkiro era Omuwanika w’Obwakabaka Owek. Bob Nsibirwa agenzeeko mu maka g’omugenzi Owek. Joyce Mpanga e Lungujja okukubagiza n’okutuusa obubaka okuva Embuga.
Ono ayogedde ku mugenzi ng’omukyala aweerezza Obuganda nga teyeebalira.
Owek. Joyce Mpanga wafiiridde abadde mukiise mu Lukiiko lwa Buganda era omuwi wa magezi eri Ssaabasajja ng’okusinziira ku Owek. Nsibirwa, Beene amutwalira ddala nga Maama we.
Ono asaasidde nnyo Owek. David Mpanga ne banne bonna olw’okuviibwako nnyabwe omwagalwa.