Obwakabaka nga buyita mu kitongole kyabwo eky’ebyamateeka ekya Buganda Royal Law Chambers, busse omukago ne Uganda Law Society okutuusa obuweereza mu by’amateeka eri abantu ba Kabaka.
Ssaabawolereza wobwakabaka,Owek Christopher Bwanika yataddeko omukono kulw’obwakabaka ate Phiona Wall nassaako kulwa Uganda Law Society.
Enteekateeka eno egenda kutandikira mu Masaza okuli, Busiro, Buddu, Mawokota, mu kaweefube w’okulaba nga buli muntu afuna obwenkanya.