Ogwa Nadduli ne Mutabani we gubamezze neboogera ebikankana

Eyaliko Minisita waguno naguli Hajji Abdul Nadduli wamu ne mutabani we Jacana Nadduli bavudde mu kakiiko ka National Resistance Movement – NRM akawulira okwemulugunya ku mivuyo egyaliwo mu kamyuufu nga banyeenya mitwe ng’embuzi etenda enkuba.
Nadduli ne Mutabani we baali baaloopa Minisita Syda Bbumba nga bagamba nti yabba akalulu nadda ne mukati neyewogoma.
Wabula oluvannyuma lw’okuwuliriza enjuyi zombi Bannamateeka abateekebwawo ekibiina kya NRM bakizudde nti Syda Bbumba yawangula mu butuufu mu kamyufu k’ekibiina era waakuddamu okukikwatira bbendera ku kifo ky’omubaka wa Palamenti ekya Nakaseke Central. Awo Nadduli wategeerezza nti Mutabani we wakwesimbawo ku bwannamunigina.