Abasibe Bannakibiina kya National Unity Platform – NUP 32 abakwatibwa mu kunoonya akalulu k’omwaka 2021 mu bitundu by’e Kalangala tebinaggwa, oludda oluwaabi luleese omusango omupyaogw’okulya mu nsi olukwe nga lugamba nti wakati w’omwezi gwa April ne May wa 2021 baatulisa bbomu enkolerere mu bitundu by’Eggwanga ebyenjawulo.
Wabula oludda oluwolereza luwakanyizza omusango guno omuggya nga lugamba nti bano tebaali mu maggye, oba nti baalina abavugirizi okuva ebweru w’Eggwanga nti oba baalina ekibinja kyonna ekyabayeekera ekimanyiddwa kyebakolera.
Bannamateeka baabwe bongeddeko nti bano ekyokubasanga ne bbomu enkolerere ng’oludda oluwaabi bwerwategeeza mu misango egyasooka tekimala kutegeeza nti baali balya mu nsi yaabwe olukwe.
Kkooti y’amaggye eragidde oludda oluwaabi okuddayo lukole ennongosereza mu musango guno omuggya bakomewo oluvannyuma lwa wiiki 2. Bano singa basingisibwa omusango guno, mu UPDF Act babeera balina kuwanikibwa ku kalabba.