Omuserikale wa UPDF ku kyalo Mbulamayizi mu Disitulikiti ye Kanungu akubye abantu musanvu amasasi n’abattirawo nga ababiri ku bo bajaasi banne ate abataano bantu ba bulijjo.
Kiteeberezebwa nti entabwe evudde ku butakkaanya ne mukyalawe era yabadde amuyigga ku ssaawa nga bbiri ez’ekiro.
Corporal Moses Kyatooka oluvanyuma lw’ekikolwa kino yeewaddeyo mu mikono gya Police.
Maj. Roland Kakulungu ayogerera amagye mu kitundu kino akakasizza bino.