Okuwulira omusango gw’okwonoona ebintu wamu n’okulumya abantu b’e Kiwanga mu Disitulikiti y’e Mukono oguvunaanibwa omuvuzi w’emotoka z’empaka Ponsiano Lwakataka ne munne John Ssekitooleko kwagudde butaka olunaku lw’eggulo mu kkooti e Mukono.
Lwakataka yabadde azeeyo mu maaso g’omulamuzi w’eddaala erisooka Patience Koburunga wabula omujulizi wa Gavumenti natalabikako bwatyo omulamuzi nagwongerayo okutuusa nga 6-May-2019.