Police enkya ya leero ezudde omulambo gw'omukazi Susan Magara eyabuzibwawo gyebuvuddeko abantu abataategeerekeka bweyali addayo mu maka ge agasangibwa e Lungujja mu Divizoni y'e Lubaga.
Susan Magara ow'emyaka 28 nga kati z'embuyaga ezikaza engoye, abadde akola mu ddayale ya Kitaawe John Magara esangibwa ku luguudo lwa Kabakanjagala ng'omukwasi w'ensimbi era nga omulambo gwe gusangiddwa mu bitundu by'e Kigo ku luguudo olupya olw' Entebbe Southern Express.
Luke Oweyesigire, omwogezi wa Police mu Kampala n'emiriraano akakasizza okufa kwa Susan Magara. Wabula ensonda ezeesigika ziraga nti aba Famire y'omugenzi baali baasalawo Police obuteeyingiza mu nsonga zino.