Oluvannyuma lw’emyezi 5 kyaddaaki omulambo gw’omukyala eyatwalibwa amazzi mu mwala e Nakawa ku bitaala gwazuuliddwa.
Cissy Namukasa, 56, yaggwa mu mwala nga 2 – May natwalibwa amazzi agamutta omulambo gwe gwazuuliddwa Kasumba Sulaiman 73, mu ku lwomukaaga mu Kanyogoga zone e Namuwongo. Ono agamba nti yalabye akawanga wamu n’amagumba g’omuntu ssaako ne jacket omugenzi gyeyali ayambadde.
Ebisigalira bya Namukasa byatwaliddwa mu ggwanika e Mulago okukolebwako DNA.