Abakulira Disitulikiti y’e Mubende batonzeewo omusolo omupya ku basawo b’ekinnansi wakati mu kusika omuguwa okuva eri abakiise nga abamu bagamba nti kino kyakwongera obufere ate abalala nga bagamba nti kyakubukendeeza.
Omusolo oguteekeddwawo, Abasawo bonna ab’ekinnansi abanoga eddagala bagenda kuba nga basasula emitwalo esatu (30.000) buli mwaka ate ab’amasabo basasule emitwalo kkumi (100.000).
John Kayingere akiikirira eggombolola y’e Nabingoola ku Lukiiko lwa Disitulikiti ey’e Mubende atageezezza nti abasawo bano beetagisa okukwatibwa obulungi kubanga bakola kinene nnyo mu kujjanjaba abantu wansi mu byalo
Wabula ye Norah Mbabazi akiikirira Municipaali ey’e Mubende ku lukiiko lwa disitulikiti ategeezezza nti bano beebeenyigira mu bikolobero ebingi okuli n’okusaddaaka abantu era beetaaga okuteekako omusolo omunene .