Omumyuuka w’omwogezi wa Uganda Police Force owa Kampala Metropolitan Police Luke Owoyesigyire avuddeyo nategeeza nti Poliisi y’e Kanyanya bweyakutte Omusomesa Kato John Ssefuma 40 nga musomesa mu ssomero e Mityana wabula ngabeera mu Disitulikiti y’e Mukono kubigambibwa nti yabadde agezaako okusendasenda omuyizi owemyaka 15 mu ssomero lyerimu gyasomesa okwegatta naye.
Sheilah 26, omutuuze wa Erisa Zone, Kyebando mu Kawempe nga yalabirira omuyizi ono yeyaguddewo omusango nategeeza nti bategeera ku bikolwa byomusomesa ono nga bayita ku mboozi ya WhatsApp gyeyali anyumya n’omuyizi ono era nebamusalira amagezi okumuyita akyale. Omusawo wa Poliisi yakebedde omwana ono nesangibwa nga babadde tebanegatta.