Omusomesa yeeyimbyemu ogwa kabugu n’alembalemba olw’ekaganga oluvannyuma lw’okusiba ssente ze zaabadde nazo emitwalo 500.000 ku mupiira naye negutayitamu.
Richard Byansi abadde musomesa asomesa ebyafaayo mu ssomero lya Mayuge Central SS erisangibwa e Mayuge , kigambibwa nti Byansi ono mu ssabbiiti eyise yatunda pikipiki ye emitwalo 600.000, naye n’akwatako emitwalo ataano n’agasiba ku mupiira nga agamba nti ttiimu ya Congo yali yaakuwuttula Yuganda wabula omupiira bwegwamusala, naye kwekusalawo neyeeyimbamu ogwa kabugu.
Wabula ab’enganda ze basanze omulambo gwe nga gutandise n’okuvunda era omwogezi wa Police mu ttunduttundu lya Busoga , James Mubi yaatubuulidde bino .