Omubaka omukyala owa Kampala Nabila Nagayi Ssempala, agamba nti omukago gw’abebibiina tegusobola kubaako kyegukola, Nti abantu ab’olubatu basalirawo batya abangi mu kukola omuakago, Era Nagayi ayongerako nti takkiriziganya na ngeri kalulu ka FDC gyekakubwamu, nti kaalimu okugulirira abalonzi , okusuubiza abantu amasimu, okutambuza abalonzi gattako n’okumetta enziro.

Ekibiina kya Dp kiweereddwa amagezi okwetereeza naddala mu kaseera kano nga NRM yeyuzaayuza Amagezi gano gaaweereddwa Keneth Paul Kakande omwogezi w’ekibiina kino bwebaabadde ku mikolo gy’okulayiza abakulembeze e Ggaba.

Pulezideni Museveni asiimye bannamakolero naddala ag’ebyuma era na’abasuubiza okubayambako. Wabula abakubirizza okukola ebibiina eby’awamu basobole okuyitimuka . Munno mubaddemu Roofings, Steel Mills n’endala nnyingi!

Akakiiko k’ebyokulonda kaanukudde ebbaluwa ya Mbabazi, Wano kalabudde Mbabazi okugoberera obulungi amateeka, obutakuba nkungaana za bantu bangi,ezitatwala budde buwanvu nnyo kubanga akaseera ka kampeyini tekannatuuka.

General David Ssejusa agambye nti siwaakuva mu mirimu gye egy’ebyobufuzi era eky’okumukwata kabonero akalaga nti NRM etandise okutiitira Bino abyogedde oluvannyuma lw’okukwatibwa ate n’ateebwa wali ku Police ya Jinja road nga talina musango gw’avunaaniddwa

Abasiraamu basabiddwa okutoola ku ako akatono ke balina bawe abantu abatalina mwasirizi, abaana, abakadde n’abalala abagwa mu kkowe eryo naddala mu kiseera kino nga bali mu kisiibo Kino nno kyongera ku mpeera y’omusiibi.

Abawagizi ba eyaliko Ssaabawandiisi wa NRM Amama Mbabazi e Mubende bakwatiddwa era nebaggalirwa oluvannyuma lw’okubasanga n’obufulaano nga buliko ebifaananyi bya Mbabazi.

Eyaliko omukwanaganya w’ekitongole ekikessi mu ggwanga General David Ssejusa akwatiddwa e ttuntu lya leero era n’atwalibwa ku police ya Jinja Road, Wabula oluvannyuma n’ateebwa nga tavunaaniddwa musango gwonna era n’ayolekera olukungaana lwa DP e Ggaba.

Palamenti esabye Gavumenti ezzeeko Tv zonna ezaasaliddwako paka nga Gavumenti yeetegese. Ababaka ab’enjawulo naddala ab’oludda oluvuganya Gavumenti omuli Cecilia Ogwal, Betty Nambooze, Wayira Majegere n’abalala bakolokose kino.