Omumyuuka wa Sipiika wa Parliament of Uganda Rt. Hon. Anitah Among alaze okutya olw’omuwendo gw’abakyala abaddukira gyaali abayambe okweyongera nga balumiriza Ababaka ba Palamenti abawerako okubazaalamu abaana nebagaana okubalabirira. Wano Sipiika Among wasabidde Ababaka bekomeko era balowooze singa bano babadde bawala baabwe nga babazaddemu nebagaana okubalabirira bandiwulidde batya.

Maama w’omubaka Munnakibiina kya National Unity Platform – NUP era omubaka wa Kawempe North Hon. Muhammad Ssegiriinya aka Mr Updates enkya yaleero akedde kugenda ku Palamenti nga ayagala asisinkane Sipiika Jacob Oulanyah amunnyonyole lwaki tebavaayo ku mbeera y’omwana we gyalimu wamu n’okukuumirwa mu nkomyo okuva mu September 2021.

Ekitongole ekivunaanyizibwa ku by’ennyonyi mu Ggwanga ekya Civil Aviation Authority Uganda kivuddeyo okutangaaza ku bigambibwa nti Gavumenti ya China yaboye ekisaawe ky’ennyonyi ekya Entebbe International Airport, Uganda. CAA egamba nti yadde yaguddewo akawunti mu Stanbic Bank – Uganda okugenda ssente zonna ezikunganyizibwa ku kisaawe nga bagoberera endagaano ya Escrow Account Agreement Terms tekyawukanaku n’omukozi afunye Salary Loan okuva mu bbanka nemusaba ayise omusaala ggwe mu bbanka eyo.