Akulira Oludda oluvuganya Gavumenti mu Palamenti, Hon. Winnie Kiiza ayagala Palamenti eyitibwe bukubirire okuva mu luwummula ababaka lwebalimu, baggye bakubaganye ebirowoozo ku mbeera y'obutali butebenkevu eri mu ggwanga eyeeyongera okusajjuka, basale amagezi okulaba nga embeera edda mu nteeko mangu ddala .
Kiiza asoomoozezza abakulira eby'okwerinda, balekelure singa baba bawulira nti balemereddwa okukuuma obulamu bwa Bannayuganda nga kati abatemu babatta nga bwebaabadde, agamba nti buvunaanyizibwa bwa Gavumenti okukuuma Bannayuganda
Winnie anokoddeyo ebimu ku biriwo mu ggwanga omuli okutta abakyala, ababbi okulumba abantu ku mirimu gyabwe, abagwira abazze bafiira mu zi Wooteeri, ab'ebijambiya n'ebirala .