Uganda Police Force mu Disitulikiti y’e Bugweri eriko abantu 3 bekutte bagiyambeko mu kunoonyereza kubikwatagana n’obubbi bwa waya z’amasanyalaze n’ebintu ebirala ebya Rural Electrification Agency.
Abakwatiddwa kuliko; Masuubo Rogers, Kagere Rajab ne Mugwana Rasuuli nga bakuumirwa ku Poliisi y’e Busembatia ng’okunonyereza bwekugenda mu maaso.
Waliwo ne munaabwe omulala eyategeerekeseeko erya Fahad eyadduse naye nga anoonyezebwa, bano babadde beyambisa emotoka ekika kya Isuzu Elf nnamba UAT 525S nga basangiddwa mu bitundu by’e Namunyumya mu Gombolola y’e Namalemba.
Supervisor wa Project eno eya Rural Electrification Agency Muky. Mary Mutesi asabye abantu okuloopa abantu abenyigira mu kubba waya n’ebintu ebirala eby’amasanyalaze, byebakozesa mukuzimba n’okubunyisa amasanyalaze mu Disitulikiti y’e Bugweri naddala mu Gombolola y’e Namalemba.