Omumyuuka w’omwogezi wa Kampala Metropolitan Police Luke Owoyesigyire avuddeyo nategeeza nga ekitongole kya Poliisi ekya Directorate of Crime Intelligence nga kikolera wamu n’ebitongole byebyokwerinda ebirala bwekyakoze ekikwekweto ku Elite Arcade ku Nasser Road, shop A-08, nekikwata abantu 8 abagambibwa okwenyigira mukujingirira ssente, okuzitunda wamu n’okuzisaasaanya. Abakwatiddwa kuliko abakulira Mukasa Ronald, ne banne okuli; Mugumya Geey, Brian Abaho, Joel Kagame, Ogadi Ronald, Namuwaya Shadia, Segwayi Rodgers ne Abu Mayanja.
Mu kikwekweto kino Poliisi yazuuliddemu ssente enjigirire okuli eza Uganda, South Sudanese Pounds, US Dollars, Euros, Rwandan Francs, United Kingdom Pounds , Kuwaiti Dinars, nendala.
Poliisi era yakutte ebintu ebikozesebwa mu kukola ssente zino omuli; films, empapula, chemicals, Computer, digital printers, n’ebyapa ebigambibwa okuba ebijingirire ssaako n’empapula z’obuyigirize.
Bya Kamali James