Poliisi mu Disitulikiti y’e Bukwo ekutte abantu 3 okuli Chelop Alfred, Chesur Andrew, Kiplungant Peter kubigambibwa nti benyigidde mu kutta Rev. Neto Augustine 43, nga 29 October 2018 mu kibira kya East Elgon. Kigambibwa nti abatuuze b’e Kapukorosoi bana babadde basindika ente zaabwe mu kibira kya East Elgon okulya nga tezirina azirunda nga ne Rev. Neto y’omu ku bbo era nebakitegeerako nti waliwo abantu abateega ente zaabwe mu kibira nebazibba nebazitunda.
Bonna abana basalawo okugenda mu kibira okukakasa oba nga kituufu, era bwe babatuuka mu kibira nebasanga abasajja 3 era wano banne basatu nebatandika okubagaba nga bwebakuba enduulu ye Rev. Neto natandika okugoba ente nga azizza eka.
Enduulu yasomboola abantu 9 nga bonna balina amajambiya nebayingira ekibira bwebatyo nebasanga Rev. Neto nga agoba ente gwebalowooza nti ye mubbi nebatandika okumukuba nebamwambula n’oluvannyuma ne bamusalako omutwe nebagukweka.
Banne bwebadda nebasanga bano omwenda nebatandika okubanyumiza ekibaddewo era nebababuuza oba nga balabye ku Rev. Neto bonna nebegaana. Basalawo okugenda mu town ne batuuza olukiiko era bano olwamanya nti basse omuntu atali mubbi nebabulawo omu kw’omu.
Abatuuze bakirizza okukola ne Poliisi okukwata bano omwenda abasse Rev. Neto era nekwatako basatu nebakirizza okumutta era nebabatwala omutwe webagukwese negugatibwa ku kiwuduwudu.
