Uganda Police Force e Katwe evuddeyo netegeeza nga bwekutte omukyala Zura Mukamana 36, Maama w’omwana ow’emyaka 14 eyalabikira mu katambi nga agamba nti yali amupangisa abasajja babiri begatte naye.
Omu ku basajja bano Fred Bulega 41, agambibwa okuba nga abadde yegatta n’omwana ono naye yakwatiddwa. Nga akatambi tekanafuluma Mukamana yabadde awaabye ku Poliisi nga agamba nti muwala we yabadde abuze era nga Poliisi y’e Salaama yabadde etandise okunoonyereza era nga oluvannyuma yazuuliddwa ewa Kitaawe gyeyabadde addukidde okwekweka.
Kitaawe w’omwana ono yamututte ku Poliisi era nebasobola okukwata omusajja ow’okubiri John Mwesigye 18, nga naye abadde akozesa omwana ono.
Poliisi ekutte Maama n’abasajja babadde aguza muwala we
