Omwogezi wa Uganda Police Force Fred Enanga avuddeyo nategeeza nga abebyokwerinda bwebatandise okunoonyereza ku bibaluwa kiro kitwalwa omunaku ebyaweerezeddwa Ababaka ba Palamenti nga ababiweerezza beyita ‘disgruntled officers’ nga bagamba nti bakutta Ababaka bano singa tebabawa ssente zebasabye.
Omubaka wa Makindye East Munnakibiina kya National Unity Platform – NUP, Hon Nyeko Derrick yategeezezza nti yafunye message ku WhatsApp okuva eri omuntu gwatamanyi ngamusaba obukadde 10 oba attibwe.
Agamba obubaka yabufunye okuva ku nnamba +971567751087 ngeva mu Association of Tired Officers in Uniform nga bamusaba ssente ataase obulamu bwe.
Nyeko agamba nti obubaka bwavudde w’akola nga Pulezidenti wa Association of Tired Officers in uniform from Uganda nebamutegeeza nti bamukoledde embalirira y’amasasi 4 gokka nti wabula bwabawa obukadde 10 nga bagategekera omuntu omulala.
Enanga ategeezezza nti n’Omubaka Omukyala owa Disitulikiti y’e Mityana Hon. Joyce Bagala Ntwatwa naye yafunye ebbaluwa yemu, nti abebyokwerinda ensonga eno batandise okuginoonyerezaako.
Aba Association eno bagamba nti mulimu abasirikale bwa Poliisi wamu n’abamaggye abasazeewo ensonga okuzekwatiramu nga batiisatiisa Ababaka ba Palamenti.
Poliisi etandise okunoonyereza ku batiisatiisa Ababaka – Fred Enanga
