Omwogezi wa Uganda Police Force owa Kampala Metropolitan Police SP Patrick Onyango avuddeyo nategeeza nga Poliisi bweyimirizza omulimu gwebaddeko okwokutaasa abantu abayinza okuba nga baziikiddwa ekizimbe ekya kalina ekyagudde mu Kalezia Zone e Makindye.
Poliisi egamba nti oluvannyuma lw’okutuuka ku mwaliro ogusookera ddala gwebabagambye nti wabaddeyo abantu 8, tebalina gwebasanzeeyo yadde omulambo era nga Poliisi tenafuna mawulire gonna ag’omuntu eyabuliddwako owuwe.
Abasirikale ba Poliisi babuuzizza abakozi ababadde bakola ku kizimbe kino nga kuno kuliko n’omukyala abadde abafumbira emmere nategeeza nti abakozi bonna babadde banyuse ekizimbe wekyagwiridde okuleka Godfrey Oonyu eyataasibwa ku lunaku olusooka.