Police awatali kakwakkulizo konna etadde omusajja Paddy Sserunjogi ayakazibwako erya Sobi akulira ba Kifeesi wamu ne banne babiri, Shafiq Kigozi ne Tim Twaha era nga kino kyakoleddwa akawungeezi ka jjo oluvannyuma nga baggyiddwa ku Police y'e Nsangi ne batwalibwa e Nalufenya mu Jinja .
Police ku ntandikwa ya wiiki eno yagombyemu obwala abasajja bano nga ebajja ku Rose Gardens Hotel e Kyengera ebeeko byebabuuza oluvannyuma lw'okuyita ab'amawulire nebategeeza eggwanga nti bebali bebatta abantu ate n'okubabba mu Kampala.
Ggo amawulire agava e Nalufenya galaga nti abakulira ekkomera lino baafunye ebiragiro okuva waggulu mu bakama baabwe okuta abantu bano era ye Emilian Kayima omwogezi w'ekitongole kya Police akakasizza nti abantu bano baateereddwa !!