Yunivasite ya Gavumenti esookedde ddala mu bitundu bya Teso, etuumiddwa Soroti Yunivasite egenda kutandika okuwandiika wamu n’okusomesa abayizi mu mwezi gwa Mukulukusabitungotungo omwaka guno.
Kinajjukirwa nti okutandikawo Yunivasite eno kwakakasibwa Palamenti y’eggwanga era n’egattibwa mu Yunivasite za Gavumenti mu Kasambula wa 2015 era nga erina kubangula bantu mu busawo ku bukugu mu ddagala , abasomesa abagenda okubangula abantu mu sayansi n’okukanika era nga yali erina okutandika okusomesa mu Muwakanya wa 2016 wabula neetasobola olwa Gavumenti okulemererwa okusasula kkampuni eyaweebwa omulimu gw’okuzimba ebizimbe by’ettendekero lino eya Engineering and Trade Uganda Ltd.
Ssentebe w’olukiiko olutwala Yunivasite eno Francis Xavier Lubanga agamba nti kati ebizimbe byawedde era emisimo gigenda kutandika kukwajja.