Omubaka Theodore Ssekikubo (Lwemiyaga County) avuddeyo nategeeza nti oluvannyuma lwa wiiki 3 nga batongozza ekiteeso kyokuggya obwesige mu ba Kkamisona ba Palamenti abegemulira akasiimo akakawumbi 1 mu obukadde 700 basobodde okukungaanya emikono okuva mu babaka 145 nga bakyalemereddwa okuweza emikono 177.
Bwabadde ayogerako eri Bannamawulire Ssekikubo yewuunyizza lwaki Ababaka bangi batidde okuteeka omukono ku kiwandiiko wakati mu mbeera nga Palamenti eri mu kattu nga waliwo nabayitiddwa ku kitebe ky’abambega babitebye.
Ssekikubo asabye ba Kkamisona bano 4 okujja nabo bateeke emikono ku kiwandiiko kino okusobola okulaga ensi nti tebalina musango nga bwebagamba nti tebagulina kuba guno gwe mukisa oguliwo.
Ssekikubo asobodde okukungaanya emikono 145 mu wiiki 3
