Waliwo omusajja mu Disitulikiti y’e Mayuge eyeggye mu bulamu bwensi eno nga alaga obutali bumativu bwe nga entabwe eva ku mukyala we okumutulugunyanga entakera.
Anthony Oketch nga wa myaka 45 y’asangiddwa nga omulambo gwe ggulengejjera ku muti gw’omuyembe nga yeeyimbyemu ogwakabugu era nga alese abaana munaana.
Ssentebe w’eggombolola y’e Musubi Hamuza Isabirye akakasizza bino wabula n’awa abafumbo amagezi okwewalanga obutabanguko mu maka nti bwekiba kigaanye beeyunire abantu ababasingako naye nga tebatwalidde mateeka mu ngalo.