Omumyuuka wa Sipiika Rt. Hon. Anita Among; “Neebaza Katonda olw’ekirabo kya Prof. Emmanuel Mutebile Tumusiime kyeyawa Yuganda. Omuntu ayagala okulaba nti ensi ye enkulaakulana. nga Gavana wa Bank of Uganda, Prof. Mutebile yewaayo okuweereza n’ekitiibwa wamu n’amazima awatali kulya nguzi yadde obulyake. Nga Eggwanga tugenda kumusubwa nnyo.”

Pulezidenti Yoweri Kaguta Museveni; “Obuzibu obuliwo mu Afirika olwaleero bwatandikira mu Libya. Njagala kuyita Abakulembeze ba Bafirika tutuule wamu tuwanyisiganye ebirowoozo okuzimba afirika eggumidde. Ekiriwo kati kigenda kutuzzaayo emabega kuba Abakulembeze abatali Bannamaggye balemererwa okuzimba amaggye agamaanyi.”

Abantu 50 bebagenda okusiimibwa n’emiddaali ku bijaguzo bya #NRMAt36 e Kololo. Ku bano kuliko Prof. Patrick Ogwang, eyakola eddagala lya Covidex.

Pulezidenti Yoweri Kaguta Museveni; “Ensonga eyatutwala mu nsiko okulwana yali yamuzinzi nnyo kuba wetwatuukira okufuna obuyinza eby’enfuna by’Eggwanga byali byenkanankana akawumbi kamu n’obukadde 400 eza Ddoola, wetunatuukira mu gw’omusanbu tujja kuba tutuuse mu buwumbi bwa ddoola 44.”

Pulezidenti Yoweri Kaguta Museveni ng’alambula ennyiriri z’abasirikale ku kisaawe e Kololo ku mukolo gwamenunula ogw’omulundi ogwa 36. Olwaleero emyaka 36 egiyise abaali abayekera ba NRA bawamba Kampala nebateekako Yoweri Museveni nga Pulezidenti.

Pulezidenti Yoweri Kaguta Museveni yakuzizza Private Tom Magambo owa Interna Security Organisation (ISO) okumutuusa ku ddaala lya Major era namulonda nga Director wa Criminal Investigations Directorate eya Uganda Police Force ngaddira Grace Akullo mu bigere.

Pulezidenti Yoweri Kaguta Museveni alonze Maj. Gen. Geoffrey Tumusiime Kasigazi nga omumyuuka w’omuduumizi wa Uganda Police Force. Mu ngeri yemu era asizza buggya kkontulakita ya Commissioner General w’ekitongole kyamakomera ekya Uganda Prisons Service -UPS Dr. Johnson Byabashaija.