Pulezidenti Museveni ayingidde mu nsonga z’abalaalo
Pulezidenti Yoweri Kaguta Museveni; “Nasisinkanye Abakulembeze mu ttundutundu ly’e Acholi mu Disitulikiti y’e Amuru netukubaganya ebirowoozo ku nsonga ya Balaalo. Oluvannyuma lwokuwuliriza ensonga ezaleeteddwa, nawabudde bwenti; Ku kyokwonoona ebirime – Nalagidde omuduumizi wa Divizoni ya UPDF, RPC ne Minisita avunaanyizibwa ku nsonga zamambuka okulaba nti omuntu yenna alina ente nga teziri mu lukomera mu bitundu […]
Abawagizi ba NUP bajaganyizza oluvannyuma lwabebyokwerinda okwamuka ekitebe kyabwe
Abawagizi ba National Unity Platform balabiddwako nga bajaganya oluvannyuma lwabebyokwerinda okwamuka ekitebe kyabwe ekiggya ekisangibwa ku Kavule Makerere. Omukolo gwokuggulawo ekitebe gwakutandika ssaawa ttaano.
Bobi Wine, Besigye ne Lukwago mu luseregende nga boolekera Kavule
Pulezidenti wa National Unity Platform (NUP) Robert Kyagulanyi Ssentamu aka Bobi Wine, eyaliko Pulezidenti wa Forum for Democratic Change – FDC, Rtd. Col. Dr Kizza Besigye, akola nga Pulezidenti wa FDC ow’ekiwayi ky’e Katonga Erias Lukwago mu luseregende lwa motoka nga boolekera ekitebe kya NUP ekiggya e Makerere Kavule okwetaba ku mukolo gwokukiggulawo.
Bannabyabufuzi ab’enjawulo betabye mu kuggulawo ekitebe kya NUP
Pulezidenti wa National Unity Platform (NUP) Robert Kyagulanyi Ssentamu aka Bobi Wine, eyaliko Pulezidenti wa Forum for Democratic Change Rtd Col. Dr. Kizza Besigye n’abakulembeze abalala nga batuuka e Makerere Kavule, mu Kawempe Division ku mukolo gwokuggulawo ekitebe ekiggya ekya NUP.
Bobi Wine ne Besigye basaze akaguwa akaggulawo ekitebe ekipya ekya NUP
Pulezidenti wa National Unity Platform (NUP)Robert Kyagulanyi Ssentamu aka Bobi Wine, neyaliko Pulezidneti wa Forum for Democratic Change Rtd. Col. Dr. Kizza Besigye nga basala akagguwa nga akabonero kokuggulawo ekitebe kya NUP ekiggya mu butongole e Makerere Kavule, Kawempe Division.
Ssente zezatulemesa okuzimba ekizimbe ekiri mu ppulaani – SG Rubongoya
Ssaabawandiisi wa National Unity Platform – NUP, David Lewis Rubongoya ayanukudde ababadde batandise okwogerera NUP ebisongovu nti yasuubiza ekizimbe bwaguuga kyokka nezimba akazimbe akatono okukamala. Ono agambye nti tebaasobodde kuzimba Kitebe kinene nga kyebaalowooza olw’ebbula ly’ensimbi. Okusinziira ku Rubongoya, abakugu baabategeeza nti ekizimbe kyebaali baagala kimalawo obuwumbi bwa ssente obusukka mu buna ate nga tebazirina. […]
Bemugamba abawambibwa baddukira bweru wa Ggwanga – Faruk Kirunda
Amyuuka Munnamawulire wa Pulezidenti, Kirunda Faruk yavuddeyo nategeeza nti ye takkikiriza nti abantu aboogerwako aba National Unity Platform nti baabuzibwawo Gavument. Kirunda agamba abantu abamu be balumiriza nti baabuzibwawo badduka mu Ggwanga nebagenda baasaba obubuddamu nebagenda mu Mawanga nga Canada, America, Bungereza ne Butuluuki nga n’abakulu ku ludda oluvuganya kino bakimanyi bulungi naye tebaagala kukyogerako […]
Kyonna kyekiri kijja kuggwa – Bobi Wine
Omukulembeze wa National Unity Platform Robert Kyagulanyi Ssentamu aka Bobi Wine avuddeyo neyewuunya abebyokwerinda okutegeeza nti tebalina basirikale bamala kubawa bukuumi ku mukolo gwabwe ogwokuggulawo ekitebe so nga baafunye abo bebayiwawo okulemesa omukolo gwabwe wadde nga babadde tebabasabye. Ono agambye nti babategeezezza nti Pulezideti Yoweri Kaguta Museveni yabadde wakubeera mu Kawempe ku lunaku lwe lumu. […]
NRM ewulira nsaalwa – Babaka ba NUP
Ababaka ba Palamenti abali ku ludda oluvuganya Gavumenti nga boogera ku ky’abebyokwerinda okulemesa omukolo gwabwe ogwokuggulawo ekitebe ky’ekibiina kya National Unity Platform e Makerere – Kavule olwaleero. Bano bagamba nti nsaalwa ya Gavumenti ya National Resistance Movement – NRM emaze kumpi emyaka 40 mu buyinza naye nga tezimbanga kitebe kya kibiina.
