Ab’e Katonga mulekerawo okukozesa obubonero bwa FDC – Amuriat
Obukulembeze bwa FDC e Najjanankumbi obukulemberwa Patrick Oboi Amuriat bulabudde ab’ekiwayi kye Katonga obutaddamu kweyita bakulembeze ba FDC wadde okukozesa obubonero bw’ekibiina. Pulezidenti wa FDC ekiwayi kye Najjanankumbi Patrick Oboi Amuriat aweze okufafagana ne Erias Lukwago wamu ne banne singa tebakomya kweyita bakulembeze ba FDC.
Abayizi ba Kasana Junior baleeteddwa e Kiruddu
Abayizi b’essomero lya Kasana Junior School mu Kibuga Masaka eryakutte omuliro mu kiro ekikeesezza olwaleero ku ssaawa kumi ezookumakya baleeteddwa mu Ddwaliro lya Kiruddu National Referral Hospital, Kampala nga bagiddwa mu Ddwaliro lya Masaka Regional Referral Hospital.
Pulezidenti wa DRC ategeezezza nga bwagenda okuzimba ekikomera ku nsalo ya DRC ne Rwanda
Pulezidenti wa Democratic Republic of the Congo, Felix Tshisekedi alangiridde nti agenda kuzimba ekikomera ku nsalo yaabwe ne Rwanda amawanga gano geyawule bulungi okusobola okutaasa abantu be ku bayeekera ba M23. Ono agamba ekimuwalirizza okusalawo bwatyo kwekuba nti Rwanda evujjirira abayeekera ba M23 n’ekigendererwa eky’okutabangula DR Congo n’okugibba wabula bino Rwanda ebyegaana. Tshisekedi agamba abasinga […]
UHRC etuulidde okwemulugunya kwaffe ku kutyoboola eddembe lyobuntu
Pulezidenti wa Forum for Democratic Change ow’ekiwayi ky’e Katonga Erias Lukwago avuddeyo nategeeza nti bakoze kyonna ekisoboka okulwanirira eddembe ly’obuntu wabula ngebitongole nga Uganda Human Rights Commission – UHRC bituulidde amaanyi gaabwe.
Minisita avunaanyizibwa ku byobuwangwa atandise okulambula ebifo eby’ennono
Minisita w’Obwakabaka bwa Buganda avunaanyizibwa ku by’Obuwangwa, Embiri, Amasiro, n’Ebyokwerinda Dr.Anthony Wamala atandise kaweefube w’okulambula ebifo by’ennono. Ono asookedde Masanafu mu Masiro ga Ssekabaka Kiweewa. Owek. Wamala awerekeddwako Ssaabalangira Godfrey Musanje ne Katikkiro w’Amasiro g’e Kasubi David Nkalubo.
Kitalo! Abayizi 2 bafiiridde mu muliro ogukutte ekisulo ky’essomero e Masaka
Ab’obuyinza bakakasizza nti abayizi okuli; Malik Katende ne Aloysius Katende bebafiiridde mu muliro ogukutte ekisulo ky’abalenzi eky’essomero lya Kasana Junior School mu Kibuga Masaka mu kiro ekikeesezza olweero ku ssaawa nga kumi ezookumakya ogulese metulooni n’abayizi 11 nga bataawa. Amyuka omuduumizi wa Uganda Police Force mu bitundu by’e Masaka, Jamada Wandera ategeezezza nti omuliro guno […]
Abaasomerako ku ssomero lya Kisubi Girls balidduukiridde
Abaasomerako ku ssomero lya Kisubi Girls Primary School eryakwata omuliro gyebuvuddeko batandise okudduukirira essomero lino okusobola okuzzaawo ebyayonoonebwa n’ebizimbe ebyakwata omuliro. Bano nga bakulembeddwamu Gorret Lumala Nassejje badduukiridde essomero lino n’obusawo bwa sseminti 100 ssaako ebintu ebirala ebikozesebwa abayizi ab’ekisulo ku ssomero lino.
Abasoga muve ku kulima ebikajjo byokka – Kkamisona Damuzungu
Kkamisona mu Minisitule y’Ebyobulimi, obulunzi n’obuvubi Peter Damuzungu asabye abalimi mu bitundu bye Busoga okukyuusa endowooza bave mu kulima ebikajjo byokka wabula benyigire ne mu kulima ebintu ebirala eby’enjawulo basobole okweggya mu bwavu obubasibyeko akanyaaga. Damuzungu okwogera bino abadde mu musomo ogw’okubangula abakyala abalimi abavudde mu Disitulikiti ez’enjawulo ezikola Busoga oguyindidde mu kibuga kye Jinja.
Abaana 2 bafiiridde mu muliro ogukutte essomero lya Kasana Junior e Masaka
Kigambibwa nti abaana 2 bandiba nga bafiiridde mu nnabbambula w’omuliro akutte ekisulo ky’abalenzi ku ssomero lya Kasana Junior School mu Kibuga Masaka mu kiro ekikeesezza olwaleero. Abayizi 12 bbo babuseewo nebisago ebyamaanyi.
