Ssaabasajja Kabaka Ronald Muwenda Mutebi II asiimye obuweereza bw’Omugenzi Bp. Ssekadde Nnyinimu ategeezeza nti mu kiseera omugenzi we yabeerera omulabirizi w’e Namirembe yakolagananga bulungi n’Obwakabaka wamu ne Nnamulondo era abadde muntu wa kisa, omwetowaze ng’awa buli muntu ekitiibwa era waakusaalirwa nnyo. Asaasidde nnyo Nnamwandu Allen Ssekadde, bamulekwa n’olukiiko lw’Abalabirizi olw’okuviibwako omuntu waabwe. Obubaka bw’Omuteregga busomeddwa […]

Omwogezi wa Uganda Police Force ow’ettunduttundu lya Wamala Racheal Kawala avuddeyo nategeeza nga Poliisi e Kiboga bweyakutte Bukenya Rashid, 25 ngasoma busawo ku kigambibwa nti ono abadde yenyigira mu kuwamba abantu mu Disitulikiti y’e Kiboga. Kigambibwa nti ono bwebamukunyizza yakirizza okwenyigira mu kuwamba abaana 2 okuli; eyawambibwa nga 5 October ow’emyaka 4 nebasaba emitwalo 30 […]

Sipiika wa Palamenti Nnaalongo Anita Annet Among avuddeyo nateeka Minisita w’Ebyensimbi Matia Kasaija ku nninga okuvaayo mu bunnambiro annyonyole Palamenti ku bigambibwa nti abakozi mu kitongole ekiwooza ky’emisolo ekya Uganda Revenue Authority (URA) begemulira akasiimo ka nsimbi obuwumbi 14 mu obukadde 600 so nga bano baalina kugabana ensimbi obuwumbi 11 mu obukadde 638 nga akasiimo […]

Minisita w’Ebyansimbi Matia Kasaija avuddeyo nategeeza nti Uganda eyolekedde ekizibu ekitagambika ekyabavubuka obutaba na mirimu, ono ategeezezza nti abavuzi ba booda booda abawerera ddala emitwalo 50 bayivu nga balina ne ddiguli wabula oluvannyuma lw’emirimu okubabula basalawo kusaabaza bantu okufuna ekyokulya. Ono ategeezezza nti bwewatabaawo kikolebwa mu bwangu abavubuka bano bandifuukira abakadde ekizibu. Kasaija ategeezezza nga […]

Omwogezi wa Uganda Police Force Rusoke Kituuma avuddeyo nakakasa nga abakungu b’ekitongole ekitwala ekibuga Kampala ekya Kampala Capital City Authority – KCCA abafumuulwa okuli; Dorothy Kisaka, David Luyimbazi, ne Dr. Daniel Okello bebakwatiddwa era nabatwalibwa mu buduukulu bwa Poliisi obwenjawulo okuli Kira ne Natete okutuusa olunaku olw’enkya bwebanasimbibwa mu Kkooti bavunaanibwe emisango egyenjawulo. Bya Kamali […]

Nammwandu NnaalongoYokosabeti Nabirye 93, omutuuze ku Kyalo Busowobi Bulyangada mu Gombolola y’e Nakigo olunaku olwaleero afunye akamwenyumwenyu Abekitongole kya Redeem International bwebamuyambyeeko okuddizibwa ku ttaka lyabba Omugenzi Sousipateero Kaziba, mutabani w’omugenzi ngategeerekeseeko erya Kaziba kweyali amugobye ngamugamba adde ewaabwe kuba bba yaffa dda nga talina kyakola ku ttaka lyabwe. Bya Willy Basoga Kadama #ffemmwemmweffe 

Wabadde katemba atali musasulire mu lutuula lwa Palamenti olunaku lw’eggulo Omubaka Theodore Ssekikubu bweyagasimbaganye ne Sipiika Anita Among ngamulemesa okuleeta ekiteeso kye nga ye Sipiika ayagala kugenda kukiddako ku ‘order paper’. Ssekikubo yawaliriziddwa okuyimirira okumala akabanga ngayagala Sipiika amuwe omukisa okwogera ensonga ye. #ffemmwemmweffe #PlenaryUg

Ekitongole ekivunaanyizibwa ku nguudo mu Ggwanga ekya Uganda National Roads Authority UNRA kikyagenda mu maaso n’okwerula ensalo z’enguudo zimwasanjala mu Ggwanga nga kyatandikidde Wantoni mu Mukono okumenya ebizimbe n’ebintu ebyateekebwa ku Road Reserve nga kati boolekedde Nakawa. UNRA egamba nti kino kikoleddwa okwerula oluguudo lwa Kampala – Jinja wamu n’okukisobozesa okukola emyala wamu n’ebifo abantu […]

Omubaka akiikirira Kira Municipality avuddeyo nawakanya ekimu ku birowoozo ebiri mu bbago ly’Omubaka Lumu nategeeza nti kigenda kuteekawo ekyokulabirako ekikyaamu ennyo mu demokulasiya wa Uganda. Ssemujju agamba nti obutakkaanya bwebalina n’akulira oludda oluwabula Gavumenti si kyekirina okubasindikiiriza okukyuusa etteeka olwokuba tebamwagala. Ssemujju agamba nti Ekibiina ekisinga ku ludda oluvuganya kisinziira ku kalulu kabonna, wadde okiriziganya […]