Col. Dr. Kizza Besigye eyakwatira FDC bendera mu kuvuganya ku ntebe y’eggwanga ategeezezza abawizi be obutaggwamu ssuubi n’akatono wabula okweyongera obuvumu, embavu n’okwegatta basobole okusindiikiriza Gavumenti eno eriko.
Besigye agamba nti engeri nnyingi nnyo ezisobola okuggyako nnakyemalira akalulu nebwekaba kalemeddwa okumuggyako . Okwogera bino abadde ayogerako mu lukungaana gaggadde lwakubye mu Tawuni kanso y’e Buwenge mu Disitulikiti y’e Jinja era asinzidde wano n’ategeeza abantu nti Pulezidenti Museveni tagenda kumalako kisanja kino ng’akyali ku ntebe.