Ekitongole ekivunaanyizibwa ku mutindo gw’ebintu mu ggwanga ekya Uganda National Bureau of Standards kiweze okufulumya wamu n’okusaasaanya Juice ayitibwa Yohanda akolebwa aba East African Yohanda Company esangibwa e Kyebando ku nkingiizi za Kamoala lwa butatuukana na mutindo .
Juice ono ali mu bukopo obwa Pulasitic obwangu okutambula nabwo era akolebwa mu birungo eby’enjawulo omuli Emiyembe, Emicungwa wamu n’ennaanansi, ab’ekitongole kino bangamba nti Juice ono akyusa langi ng’akyali na mumatundiro songa n’ekiseera kw’alina okuggwerako kiba tekinnatuuka ate nga alina n’akabonero k’ekitongole kino kebagamba nti kateekekbwako mu bumenyi bwa mateeka .
Ab’ekitongole kino bagamba nti bakoze ebikwekweto mu bibuga omuli Hoima, Fortpartal ne Kasese era nabateeka envumbo ku kattoni eziwerera ddala 1089 era ebikwekweto bikyatojjera mu bitundu by’eggwanga eby’enjawulo .
Wabula ab’ekitongole kino basaba buli muntu abeere bulindaala n’okussaako eriiso ejjogi eri oyo anaasangibwa ne Juice ono bamuweeyo akolebweko ng’ obuyinza bwebulagira .